(( قبـــــــــر أمــــــــــــي))

============================================
الســـلام عليكم ورحمـــة الله وبركـــآته ..

يا قبر أمي أذا تسمح بجيلك لا بغيت آبوح
بجيلك لا نفذ صبري واحس العمر مليتــه



حديث الألم الممزوج بصوت الأهات المثقله بدموع الوداع

.
.
.
.
.
.
.
.
.
.
.
.

(( قبــر أمي ))
هنا سنتين من عمري أعيش وداخلي مجـــروح
هنا قلبي رحل عني وكثر الحزن قاسيتـــــــــــــه

هنا جرحي ترك دفتر مسجل به ألم مفتـــــــــوح
هنا قلبي رفض بعدك وغصب البعد خاويتــــــــه

دخيلك ليه يايمه خنقتي صوتي المبحــــــــــــوح
دخيلك كيف هالدنيا تذل الشخص في بيتـــــــــــه

كبيرة صدمة الدنيا تجازيني كثير النــــــــــــــوح
يكون آخرها حرماني من أغلى حب حسيتــــــه

فمان الله يايمه فمان اللي عطى هالــــــــــروح
وداعك يصرخ بروحي وانا بالقلب خبيتــــــــــه

ياقبر أمي أذا تسمح بجيلك لا بغيت آبـــــــــوح
بجيلك لا نفذ صبري واحس العمر مليتـــــــــــه

بجيلك واجلس أقبالك واحط أيدي على ها للوح
واحس ايدي بايدين أمي ياليته صدق ياليتــــــه