[size=21]بس الله يكرمكم خلى بالكم من التعبان وأنا مش مسئول مرة فيل اتجوز نمله وبعد ايام زهق منها فقالها انتي طالق .. فقالتله ويهون عليك الفيل اللي في بطني
عشرة بلدياتنا أخذوا شقة و كل اسبوع يطردو واحد ليه ؟ يقلدو ستار أكاديمي !! هههههههههههههه
مرة واحد بتاع سمك ابنه مات فماشى فى الجنازة يقول :كان صاحى وبيلعب !! ههههههههههههههههههه
واحد سكران فتح التلاجه وبص للجيلي ... لقاه بيرتعش : قاله متخفش هاخد عصير
سكران ماسك الفرخة بتاعته ..قاعد يضرب فيها يضرب فيها ويقولها...
كل يوم بيض بيض مافيش جبنه
كمسرى ماشى فى جنازة بيقول يا جماعة الجنازة فضيا قدام
مرة اتنين اغبية قاعدين مع بعض واحد بيقول للتانى هو ابوك مستكبر كدة لية اليومين دول
قالة لية هو عمل اية رد وقالة من ساعة ما مات ما بقاش يعدى يسلم زى الاول
اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ،
فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ،
فواحد منهم بص ورا ملقاش الهدوم فقال له كفاية كده احنا بعدنا أوى
بلدياتنا نجح في انتخابات مجلس الشعب، ففي اول جلسة قاعد جنب واحد افندى
فالأفندى عزم عليه بسيجارة مارلبورو،
وبعد شويه بيسالوا إيه رأيك في الديمقراطية ياحاج؟؟..
فرد الحاج : والله أحسن من الكيلوبترا
واحد و هوا بيموت بص لمراتة بصه رومانسيه و قالها لما اترفدت كونتي معايا
و لما عييت وقفتي جنبي ولما فلست برضوا كونتي معايا و دلوقتى لسا جنبي
مسك ايدها بحنيه و قالها مش عاريف ليه حاسيس انك نحس
واحد شكله غلبان ويصعب على الكافر قاعد على قهوه باصص لكوبايه شاى قدامه ومتنح !
شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد ,
وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه ,
فخبط على كتفه وقال: ياراجل ماتعملش فى نفسك كده, معقوله راجل
بشنبات يعيط علشان كوبايه شاى بخمسين قرش؟
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان
الحق الشغل بس برضه وصلت متاخر وصاحب الشغل هزقنى ,
ماستحملتش ورديت عليه راح طاردنى !جيت اخد الموتوسيكل واروح لقيته اتسرق ,
رحت ابلغ اخويا اتهمنى بالسرقته ! وبعد ماضربونى فى القسم
علشان اعترف طلعونى بكفاله مش عارف هسددها ازاى ,
وحتى لما قررت انتحر , جيت اشرب كوبايه السم , جيت انت وخطفتها من ايدى
مرة أربعة بلدياتنا راحوا فرح
الأول:- نقط بخمسة جنيه و ضرب طلقة رصاص
الثانى:- نقط بعشرة جنيه و ضرب طلقتين
الثالث:- نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي
قنبلة!!!
واحد بخيل راح للفكهاني .. قال له شوف لنا حاجه ناخدها معانا لواحد
عيان ، الفكهاني قال له عندك مانجه أهه بعشرين جنيه الكيلو ، قال له
لا ياراجل أصله مش عيان قوي كده
واحده حامل راحت تولد الدكتور طلع اول طفل ضربه على ظهره
وحطه على جمب جه وطلع التانى وحطه على جمب ...
بيطلع التالت ما رضيش يطلع قال للممرضه تعالى كملى انتى انا تعبت
قام بص الطفل التالت وقالها الراجل اللى بيضرب العيال مشى ولا لسه
واحد بلديتنا سافر بره بعتوله برقيه ارجع فورا يوجد امر خطير رجع على
اول طياره قابل اخوه الكبير فى المطار تعبان وحالته حاله ودقنه طويله
قاله فى ايه طمنى ابويا جراله حاجه راح مطبطب عليه وخده فى حضنه
وركبوا العربيه لقا اخوه الثانى فى السياره تعبان وحالته حاله ودقنه
طويله
قاله فى ايه طمنى ابويا
جراله حاجه راح مطبطب عليه وخده فى حضنه سافروا لقا اخوه الثالث على
باب البيت تعبان وحالته حاله ودقنه طويله قاله فى ايه طمنى ابويا
جراله حاجه راح مطبطب عليه وخده فى حضنه دخل على ابوه فى السرير لقاه
نائم تعبان وحالته حاله ودقنه طويله قاله فى ايه طمنى يا ابويه انت
كويس رد عليا راح ابوه قاله ياحسنين وديت ماكينه الحلاقه فين .. ؟
واحد راكب عربية صغيرة جدا ماشى بيها فى شارع صغير وواحد تانى
راكب عربية كبيرة جدا وكل واحد عاوز يعدى من الشارع حدثت خناقة كبيرة ..
.المهم صاحب العربية الصغيرة بكل فخر قال لصاحب العربية الكبيرة
انت عارف العربية دى فيها ايه رد و قالوه لا قلوه العربية دى فيها عفريت
قالو ورينى كده دعك العربية طلع منها عفريت كبير وقال:شبيك لبيك تطلب ايه
قالو 2شاى و جاب الشاى المهم صاحب العربية الكبيرة
أشترى العربية الصغيرة مقابل الكبيرة ودعك العربية بعد ما أشتراها
و طلع العفريت قال صاحب العربية انا عاوز دهب وفلوس و عربيات رد العفريت
و قاله انا بعمل شاى بس
وفى النهايه اوعى تزهق وكملها للاخر جاااااااااااااااامده ::
إتنين طرش واقفين على محطة الأوتوبيس فدار بينهم هذا الحوار
الأوتوبيس ده رايح مصر الجديدة ؟؟ - إيه ؟ على الحديدة ؟؟ ليه إنت
طالب إحسان ؟؟- بذرة الكتان ؟ تلاقيها عند العطار - الجزار ! إنت
عاوز لحمة ؟؟ - زحمة ؟! معلش أصل ده معاد خروج الموظفين - نور الدين
؟! معرفوش - متشربوش ؟؟ ليه كفا الله الشر - راس البر ! دا مصيف هادى
-المعادى ؟؟ دى ضاحية جميلة - بليلة !!! إنت جعان ؟؟ - عيان ؟؟
متروح للدكتور - حنطور ؟! دى مواصلة جميلة توصلك لحاد الباب - هباب !
و أنا إلى كنت فاكرك محترم - إتخرم ؟؟ هو مين ؟؟ - أسبرين
؟؟ ليه إنت عنك صداع ؟؟ - قراع ؟ دا مرض خطير- فطير ؟؟ د تقيل على
المعدة و تمنه غالى - خالى ؟؟ إنت تعرفه ؟؟ دا كبير فى السن - جن ؟!
إنت راكبك عفريت !!!! - كبريت ؟ عاوز تولع ؟؟ - أتدلع ؟؟؟؟! مفيش حد
غيرك أتدلع عليه ؟؟ ...................... ، فمر بيهم راجل شرطة
لقاهم بيتخانقوا فقالهم : واقفين هنا بتعملوا إيه ؟؟ قالولوا :
مستنيين الإوتوبيس فقالهم : إيه ..؟؟ .. جواسيس ؟؟ طب تعالوا