ذكرى حبيبة

موضوع: ذكرى حبيبة السبت أبريل 19, 2008 6:26 am

كان ليها عيون صافيين جدا ً
زى الأطفال
كان لون شعرها اسود نازل
على كتفها شال
كان ضىّ الألماظ فى دموعها
كانت كرامتها فى خضوعها
كانوا بجمالها بيتحاكوا
و يضربوا أمثال
كانت أيام بيننا طويله
مش عايزة تفوت
و كأن الدنيا كانت عارفه
أنها حاتموت
كانت الأحاسيس بيننا حقيقه
طبعا ً فاكركل دقيقه
كنّا نحس أنها هربانه
خارجة بتجرى من جوانا
وكأنها أسرع من بكره
وهى بطيئه
و كأن الموت أستخسرها
تعيش وسطينا
و كأنها حلم جميل شفناه
و بعده صحينا
كان نفسى أنا أفضل نايم
كان نفسى أموت
وأفضل ويـّاها و مشاعرنا
تبقى لنا تابوت
ماباقاش لـّيا غير الذكرى
ما بقاش عندى من غيرها عيون
حاتشوف بكره

موضوع: رد: ذكرى حبيبة الخميس أبريل 24, 2008 1:39 pm

مشـــــــــــــــكور سيد

مشكور ياسيد على الكلام الجامد ده

شكرا سيد على الكلام الحلو ده

» .•:*¨`*:•. ضع لك ذكرى هنا .. وسنذكرك حتى لو نسيتنا.•:*¨`*:•.