حنين

حنين




تاه الامل وسط الدروب المجروحين


عرف الندم ايه اللى فاته من سنين


القلب كان صحرا ماليها العطشانين


نزل المطر حاول يخضر عود حزين


ايه يا مطر تعمل فى عود ما عاد يلين


ليه يا زمن غاوى تزيد الكون انين


تبعت قلوب صافيه لدنيا الحيرانين


كان العشم تنسج خيوط الشوق لكل المحرومين


تعرف تداوى جرح كل المظلومين



تزرع امل تنشر هنا تحصد حنين


بس اللى شافه القلب شيب يوم جنين


كسر قلوع النجده عند البحارين


غيم ممرات الهبوط للطيارين


قفل ببان الرحمه جوه المخطئين


كان شمس دافيه تحضن التلج اللعين


ضحكه صافيه ماليه وش المحتاجين


رغبه جارفه تحى قلب الميتين


يا خالق الكون مذنبين وتائبين


حطم قيود كل القلوب المجروحين


قرب خيوط الفجر لجل السهرانين